გორის მუნიციპალიტეტის სოფელ ტინისხიდში მაღალი ძაბვისაგან მიყენებულ ზარალს ითვლიან. 20-მდე ოჯახს საყოფაცხოვრებო ტექნიკა დაეწვა, მწყობრიდან გამოვიდა სოფლის სკოლის ელექტრო გაყვანილობაც. 2 საათის განმავლობაში, საგანმანათლებლო პროცესი პარალოზებული იყო. შემთხვევა დილის საათებში მოხდა. როგორც ირკვევა, მაღალი ძაბვა ტრანსფორმატორის მწყობრიდან გამოვლას მოჰყვა. დაზარალებული მოსახლეობა დახმარებას ითხოვს. მომხდარზე პასუხისმგებლობას ,,ენერგი-პრო-ჯორჯია” იღებს.

როგორც “ნიუპოსტს” კომპანიის საზოგადოებასთან ურთიერთობის სამსახურში განუცხადეს, ამ დრომდე მიმდინარეობს შეხვედრები აბონენტებთან, რომლებსაც მათი მხრიდან შესაბამისი დახმარება გაეწევათ.