ტელეკომპანია „ფორმულა“ და ამერიკული კვლევითი ორგანიზაცია “Edison Research” პატრნიორები ხდებიან

საზოგადოება - 11:07, 20 Nov, 2019

1560

20 ნოემბერს 14:00 საათზე სასტუმროში „რედისონ ბლუ ივერია“ ტელეკომპანია „ფორმულასა“ და „Edison Research”-ს შორის თანამშრომლობის ხელშეკრულების გაფორმების ცერემონია გაიმართება.
ამერიკული კვლევითი კომპანია „Edison Research”, რომელიც 100-ზე მეტ ქვეყანასთან თანამშრომლობს, ტელეკომპანია „ფორმულას“ პარტნიორი ხდება.
“Edison Research” ტელეკომპანიისთვის, 1 წლის განმავლობაში, პოლიტიკური კვლევის 6 ტალღას, ასევე, 2020 წლის საპარლამენტო არჩევნებისთვის ეგზიტპოლს მოამზადებს. თანამშრომლობის დეტალებზე ტელეკომპანია „ფორმულას“ დამფუძნებელი, გენერალური დირექტორი ზურაბ გუმბარიძე, კომპანია „Edison Research“-ის ვიცე პრეზიდენტი და საეთაშორისო პროგრამების ხელმძღვანელი ნინო ჯაფარიძე და „Edison Research“-ის აღმასრულებელი ვიცე პრეზიდენტი რობ ფარბმანი ისაუბრებენ.
ამასთან, ღონისძიების მსვლელობისას ზურაბ გუმბარიძე ტელეკომპანიაში დაგეგმუილი სიახლეების შესახებ პრეზენტაციას გამართავს. შეგახსენებთ, რომ ტელეკომპანია „ფორმულამ“ მაუწყებლობა 2019 წლის 1 ოქტომბერს დაიწყო. „ფორმულა“ პროფესიონალ გუნდთან ერთად ცდილობს მაყურებელს ყოველდღიურად მიუკერძოებელი ინფორმაცია მიაწოდოს. ღონისძიებას საქართველოში აკრედიტებული დიპლომატიური კორპუსის, ადგილობრივი და საერთაშორისო ორგანიზაციების, პოლიტიკური პარტიებისა და მედიის წარმომადგენლები დაესწრებიან.