ინტერნეტში ვრცელდება შოკისმომგვრელი ვიდეო-კადრები , სადაც ასახულია, თუ როგორ გამოიყურება ფილტვები 52 წლის მწეველი მამაკაცისა, რომელიც 30 წლის განმავლობაში ყოველდღე ეწეოდა 1 კოლოფ სიგარეტს. ამის შესახებ წერს DAILYMAIL-ი.

პაციენტმა საავადმყოფოსთან გააფორმა შეთანხმება, რომ მისი გარდაცვალების შემდეგ, ექიმებს შეეძლებოდათ მისი ორგანოები გამოეყენებინათ სხვა ავადმყოფების სამკურნალოდ და ოპერაციების ჩასატარებლად . ექიმმა ჩენმა, ფილტვების გადანერგვის ქირურგმა და დაწესებულების ვიცე-პრეზიდენტმა განაცხადა, რომ პაციენტისთვის სიკვდილამდე კომპიუტერული ტომოგრაფია არ ჩაუტარებიათ და სწორედ ამიტომ არც იცოდნენ თუ რა მდგომარეობაში ჰქონდა მამაკაცს ფილტვები.

პროფესორი პიტერ, ოფენშოუს მტკიცებით, პაციენტს ფილტვის ემფიზემა აღენიშნებოდა, რაც ფულისხმობს ფილტვის ქსოვილის ელასტიურობის დაქვეითებას, რომლის შემდეგაც ორგანოში ჭარბი რაოდენობით გროვდება ჰაერი.ფილტვების ემფიზემის დროს სუნთქვის დარღვევის შედეგად ვითარდება სისხლის მიმოქცევის მოშლა და ავადმყოფობა რთულდება გულის დაავადებით.

ექიმის თქმით, ძალზე ბევრი მწეველის ფილტვი გამოიყურება ამგვარად, რასაც ჭარბი დოზით ნიკოტინით გაჟღენთვა იწვევს.

ყოველწლიურად 1.2 მილიონი ადამიანი კვდება მოწევის შედეგად. მწეველთა შორის ფილტვის კიბოს განვითარების ალბათობა არამწეველ ადამიანებისგან განსხვავებით 30-ჯერ მაღალია.