ჰილარი კლინტონი ბრიტანეთს მოუწოდებს, აღიაროს რუსეთის ჩარევის მცდელობა მათ პოლიტიკაში. ინფორმაციას BBC აქვეყნებს.

„ ამოუხსნელი და სამარცხვინოა ის ფაქტი, რომ გაერთიანებული სამეფოს მთავრობა ჯერ კიდევ არ აქვეყნებს რუსეთის სპეცსამსახურის ჩარევის ფაქტებს ბრიტანულ პოლიტიკაში“,- აცხადებს ჰილარი კლინტონი.

აშშ-ს ყოფილი სახელმწიფო მდივნის განცხადებით, თითოეულ ბრიტანელ ამომრჩეველს აქვს უფლება, ნახოს ანგარიში არჩევნების წინ და ამას ხელისუფლება არ უნდა უზღუდავდეს მათ.

„მე არ ვიცი, რა წერია იმ ანგარიშში, მაგრამ არ მინდა ბრიტანეთშიც იგივე განმეროდეს რაც აშშ-ში, სწორედ ამიტომ ანგარიში არჩევნებამდე უნდა გამოქვეყნდეს“ ,- განაცხადა კლინტონმა.

ბრიტანეთის პარლამენტის დაზვერვისა და უსაფრთხოების კომიტეტმა წარმოადგინა, მოხსენება, რომელიც წარმოაჩენს რუსეთის ჩარევის ფაქტს გაერთიანებული სამეფოს საშინაო პოლიტიკაში. ანგარიშში მოცემულია სამხილები, რომელიც წარმოადგენს ფაქტობრივ მასალას დივერსიის , ჯაშუშობისა და არჩევნებში ჩარევის ფაქტებზე. მასში წარმოდგენილია ბრიტანეთის სადაზვერვო სამსახურების მიერ მოპოვებული სარწმუნო ფაქტები, რომელიც ცხადყოფს თუ როგორ ცდილობდა რუსეთი ზეგავლენა მოეხდინა დიდ ბრიტანეთში 2016 წელს ევროკავშირის დატოვების საკითხზე ჩატარებულ რეფერენდუმთან დაკავშირებით და 2017 წლის არჩევნების საბოლოო შედეგებზე.