შოკისმომგვრელი კადრები- პატიმრებმა სასამართლოს დაცვა დანით დაჭრეს, რამდენჯერმე ესროლეს და გაიქცნენ

მსოფლიო - 16:36, 11 Nov, 2019

10430

ამერიკელი ნარკოდილერი და მისი ტაილანდელი შეყვარებული სასამართლოდან გაიქცნენ რა დროსაც მათ სასჯელაღსრულების სისტემის ოფიცერი მძიმედ დაჭრეს. ქალაქ პატაიას სასამართლოში მიმდინარეობდა პროცესი, სადაც განიხილებოდა ალენ ჰემუსისა და სირინაპა ვისეტრიტის საქმე, რომელთაც ბრალად 1 კილოგრამი მეტამფეტამინის სარეალიზაციოდ გამოყენება და ცეცხლსასროლი იარაღის შენახვა-ტარება ედებოდათ. ინფორმაციას CNN-ი ავრცელებს.

39 წლის ალენ ჰელმუსმა სასამართლოს ბადრაგს ცივი იარაღით მიაყენა რამდენიმე ჭრილობა, ხოლო მისმა თანამზარხველმა 41 წლის ნოი ტონ ნინტეტმა ცეცხლსასროლი იარაღიდან რამდენჯერმე ესროლა.
სათვალთავალო კამერაზე აღბეჭდილია კადრები, სადაც ჩანს ჰელმუსი და მისი 31 წლის შეყვარებული თანამზრახველ მამაკაცთან ერთად როგორ გამორბიან წინასწარი დაკავების იზოლატორიდან ბორკილებდადებულნი. ვიდეოზე ჩანს თავდამსხმელის მიერ 9 მილიმეტრიანი პისტოლეტიდან სროლის ფაქტი ოფიცრის მიმართულებით.

აღნიშნული მოვლენის შემდეგ ბოროტმოქმედებმა ახლომდებარე მანქანით გაქცევა მოახერხეს. ისინი კამბოჯაში აპირებდნენ გაქცევას, თუმცა სამდღიანი სამძებრო ღონისძიებების ჩატარების შემდეგ სამართალდამცავებმა აღმოაჩინეს ჰელმუსი და ვისერიტი კამბოჯის საზღვართან. პოლიციელთა გამოჩენისთანავე ჰელმუსმა თავში ისროლა ტყვია, თუმცა გადარჩა და ამ დრომდე მძიმე მდგომარეობაშია- მართვითი სუნთქვის აპარატზეა მიერთებული საავადმყოფოში. გავრცელებული ინფორმაციის თანახმად, დაკავებულებს სიკვდილით დასჯა ან სამუდამო პატიმრობა ელოდებათ აღნიშნული ინციდენტის გამო.