კალიფორნიის ციხიდან მკვლელობაში ეჭვმიტანილი ორი მამაკაცი გაიქცა. გავრცელებული ინფორმაციის თანახმად, მათ სააბაზანოს ჭერში გამოჭრილი ორმოდან მოახერხეს გაქცევა. ინფორმაციას SKY NEWS-ი ავრცელებს.

პოლიციის ინფორმაციით, მამაკაცებმა მოახერხეს ციხის ბნელი ადგილიდან გაუჩინარება ისე, რომ დაცვამ ვერც კი შეამჩნია ისინი.

ჯონათან სალაზარი და სანტოს ფონსეკამ ხოხვით გაიარეს სახურავისკენ არსებული სივრცე ისე, რომ არანაირი დაბრკოლება არ შეჰქმნიათ. გამოძიება ამ დრომდე მიმდინარეობს, რომლის თნახმადაც ეჭვმიტანილებზე ძებნაა გამოცხადებული კალიფორნიაში. პოლიციამ 5000 $ დააწესა ჯილდოდ მათთვის, ვინც გაქცეულ პატიმრებზე ინფორმაციას მიაწვდის.

სანტოს ფონსეკა ბრალდებულია ორი ადამიანის მკვლელობაში - ივნისის თვეში მან 37 წლის მამაკაცი ჩაცხრილა მანქანაში, ხოლო მისი თანამძრახველი, ჯონათან სალაზარი ბრალდებულია 20 წლის მამაკაცის მკვლელობაში, მისი შეყვარებულისა და შვილის დაჭრაში.