ფილადელფიაში 10 წლის ბავშვი გარდაიცვალა- იგი სკოლიდან ბრუნდებოდა, რა დროსაც სხვისთვის ნასროლი ტყვია შემთხვევით მას მოხვდა თავში, რის გამოც იგი ადგილზე გარდაიცვალა. ინფორმაციას აქვეყნებს CNN-ი.

პოლიციის ინფორმაციით, სროლაში მონაწილე მამაკაცი დააკავეს, თუმცა უშუალოდ მკვლელი ამ დრომდე თავისუფალია. სამართალდამცავთა ინფორმაციით, 10 წლის სემაი ობრენთი მკვლელის სამიზნე არ ყოფილა - სათვათვალო კამერით გადაღებულ კადრებზე ჩანს წითელ პონტიაკში მჯდომი თავდამსხმელი, რომელიც ფეხით მოსიარულე მამაკაცის მიმართ რამდენჯერმე აკეთებს გასროლას. პოლიციელთა თქმით, დაპატიმრებული ცდილობდა მცირეწლოვანი ბიჭის დაცვას, იგი რამდენჯერმე გადაეღობა მას , თუმცა ბრმად ნასროლი ტყვია ბიჭს მაინც მოხვდა და გარდაიცვალა.

„ის ცდილობდა ბავშვის დაცვას, გადაეფარა მას, თუმცა ბიჭს ტყვია მაინც მოხვდა და გარდაიცვალა“,- განაცხადეს პოლიციელებმა.