10 ნოემბერს ესპანეთში ბოლო ოთხ წელიწადში მეოთხე რიგგარეშე საპარლამენტო არჩევნები იმართება. 37 მილიონმა ამომრჩეველმა 350 კონგრესმენი და 208 სენატორი უნდა აირჩიოს.

23 ათასამდე საარჩევნო უბანი ადგილობრივი დროით 09:00 საათიდან 20:00 საათამდე იქნება ღია.

არჩევნების დღეს საზოგადოებრივ წესრიგს 92 000 პოლიციელი უზრუნველყოფს.

აპრილში გამართულ საპარლამენტო არჩევნებში პრემიერმინისტრის მოვალეობის შემსრულებლის პედრო სანჩესის სოციალისტურმა პარტიამ გაიმარჯვა, თუმცა მათ დამოუკიდებელი მმართველობისთის საკმარისი ხმები ვერ მოაგროვეს, კოალიციის ჩამოსაყალიბებლად ივლისში გამართული მოლაპარაკებები კი წარუმატებელი აღმოჩნდა. მოლაპარაკებების ჩაშლის მთავარი მიზეზი გახდა ის, რომ მემარცხენე პარტია Podemos-ის ლიდერ პაბლო იგლესიასი მთავრობაში ადგილების გადანაწილებას საპარლამენტო არჩევნების შედეგების საფუძველზე ითხოვდა, სადაც სოციალისტებს 123 დეპუტატი, Podemos-ს კი 42 დეპუტატი ჰყავდა.