ჩეჩნეთის მეთაურმა რამზან კადიროვმა რეგიონული მთავრობის სხდომაზე მცირე და საშუალო ბიზნესის თემის განხილვისას ახალი კანონის შემოღების აუცილებლობაზე ისაუბრა- იგი ინტერნეტის იმ მომხმარებელთა დასჯას მოითხოვდა, რომლებმაც შესაძლოა „შეურაცხყონ სხვა ადამიანების ღირსება“. ამის შესახებ ინფორმაციას BBC ავრცელებს.

მისი აზრით, სოციალურ ქსელებში ადამიანის შეურაცხმყოფელი პოსტებისა და კომენტარების ავტორები უნდა დააპატიმრონ, ცალკეულ შემთხვევებში კი სიკვდილითაც უნდა დასაჯონ.

„ისინი, ვინც ადამიანებს შორის შეთანხმებებს არღვევენ- ეწევიან ჭორიკნობას, ხელს უწყობენ შუღლის გაღვივებას და დაპირისპირებას საზოგადოებაში, აუცილებლად უნდა შევაჩეროთ თითოეული მათგანი, თუნდაც ამისთვის მათი დაწვა, მკვლელობა ან დაშინება დაგვჭირდეს.“ ,- განაცხადა რამზან კადიროვმა.