მექსიკელ პოლიციის ოფიცერს, რომელიც ნარკო მაფიის ბოსის, ელ კაპოს შვილის დაპატიმრების ოპერაციაში მონაწილეობდა, ნარკოკარტელის წევრებმა 150 ჯერ ესროლეს ცეცხლსასროლი იარაღიდან. ინფორმაციას ავრცელებს DAILYMAIL-ი.

თავდასხმის ვიდეოში ჩანს, თუ როგორ ცხრილავენ სამართალდამცავს წითელი მანქანიდან გადმოსული ბოროტმოქმედები ქუჩაში სწორედ იმ დღეს, როდესაც იგი თავის უფლებამოვალეობებს არ ასრულებდა და სამოქალაქო ტანსაცმელში იყო გამოწყობილი. 32 წლის ედუარდო ტრიანა სანდოვალზე თავდასხმა განხორციელდა ქალაქ კულიაკანის სავაჭრო ცენტრთან.

სათვალთვალო კამერით გადაღებულ კადრებზე აღბეჭდილია 30 წამიანი მონაკვეთი, რა დროსაც ავტომატებიდან 150 ტყვია ისროლეს მსხვერპლის მიმართულებით.

ტრიანა სანდოვალი პოლიციის ელიტური დანაყოფის რაზმს 6 წლის წინ შეუერთდა .