თურქეთი თავისი ციხეებიდან იწყებს ISIS-ის პატიმრების გადაცემას იმ სახელმწიფოებისთვის, რომელთა მოქალაქეებიც არიან ზემოხსენებული ტერორისტული დაჯგუფების წევრები. ინფორმაციას DEUTSCHE WELLE ავრცელებს.

შინაგან საქმეთა მინისტრ სულეიმან სოილუს განცხადებით, ექსტრადირება განხორციელდება უკვე 11 ნოემბრიდან.

„ჩვენ უკვე გითხარით, რომ დაგიბრუნებდით მათ უკან. ამ ღონისძიების სისრულეში მოყვანას დავიწყებთ ორშაბათიდან“ ,- განაცხადა სოულუმ. თურქი მაღალჩინოსნის ინფორმაციით, თურქეთის ციხეებში ამ დრომდე სასჯელს იხდის ისლამური სახელმწიფოს სხვადასხვა ეროვნების 1200-მდე ტერორისტი. თურქეთის მიერ ჩრდილოეთ სირიაში დაწყებული სამხედრო კამპანიის დროს ISIS-ის 287 ტერორისტი იქნა აყვანილი და გადმოყვანილი თურქულ საპატიმროებში.