უფლებამოსილების ვადის ამოწურვის გამო, "როსპოტრებნადზორის"  ხელმძღვანელი გენადი ონიშენკო პოსტს ტოვებს. ამის შესახებ განცხადება რუსეთის ვიცე-პრემიერმა, ოლგა გოლოდეცმა პეკინში გააკეთა.

უწყების ხელმძღვანელის ადგილს მისი მოადგილე, ანა პოპოვა დაიკავებს. ვიცე-პრემიერის შეფასებით, პოპოვა კვალიფიციური ექიმი და კარგი სპეციალისტია.

"ინტერფაქსის" ინფორმაციით, ონიშენკო, აღნიშნულთან დაკავშირებით კომენტარს არ აკეთებს. წყაროს ცნობით, ონიშენკოსთვის ვიცე-პრემიერის მიერ გაკეთებული განცხადება მოულოდნელი იყო.

ცნობისთვის, გენადი ონიშენკომ, ხელმძღვანელის თანამდებობა 2004 წლის 12 მარტს დაიკავა, ხოლო ანა პოპოვა, მედიცის მეცნიერებათა დოქტორი, მის მოადგილედ 2011 წლის 23 დეკემბერს დაინიშნა.