ბრუნეის, შარიათის წესებზე აგებული, ახალი სისხლის სამართლის კანონმდებლობა, ითვალისწინებს ქვებით სიკვდილამდე ჩაქოლვას მეუღლის ღალატისათვის, ქურდობისათვის კი კიდურების ამპუტაციას.

ბრუნეის სულთანმა - ჰასანალ ბოლკიაჰმა 22 ოქტომბერს გამოაცხადა ისლამური სამართლის მკაცრი სასჯელების თანდათანობითი შემოღების შესახებ, წერ სინგაპურული გაზეთი Straits Times.

დასჯის ახალი სისტემა ითვალისწინებს მეუღლის ღალატითვის ქვებით სიკვდილამდე ჩაქოლვას, ქურდობისთვის კიდურების ამპუტაციას, ხოლო აბორტისა და ალკოჰოლის მიღებისთვის გაროზგვას.

დასჯის ახალ მეთოდებს გამოიყენებენ მხოლოდ მუულმანების მიმართ, რომლებიც სასულთნოს მოსახლეობის 70%-ს შეადგენენ. არამუსულმანი მოსახლეობა, რომელთა 15%-ს ეთნიკური ჩინელები წარმოადგენენ, კვლავ სამოქალაქო სასამართლოს დაექვემდებარება.

ჰასანალ ბოლკიაჰი ნავთობითა და გაზით მდიდარი ბრუნეის სულთანი 1967 წლიდანაა, ხოლო 1984 წელში ქვეყნის სრული დამოუკიდებლობის მოპოვებიდან, ის წარმოადგენს პრემიერ-მინისტრს, ფინანსთა მინისტრსა და თავდაცვის მინიტრს ერთდროულად.

2011 წელს მისი ქონება 20 მილიარდ დოლარად შეფასდა. ბოლო წლებში მონარქმა ქვეყნის ისლამიზაციისკენ გადადგა ნაბიჯები. ამდენად, ყველა ბავშვს მუსულმანური ოჯახებიდან აიძულებენ რელიგიური განათლების მიღებას.