ფრანგმა მსახიობმა ადელ ენელმა გადაწყვიტა დუმილი დაარღვიოს და სექსუალურ შევიწროებაზე ალაპარაკდა. როგორც BBC იტყობინება, ადელმა მისი პირველი რეჟისორის მხრიდან სექსუალურ შევიწროებაზე Mediapart-თან ისაუბრა.

ენელი, რომელიც ამჟამად 30 წლისაა, სულ რაღაც 12 წლის იყო, როდესაც რუგიას ფილმში „ეშმაკები“ იღებდა მონაწილეობას. ის ფილმში ობოლი ბავშვის როლს ასრულებს. ჟოზეფი და ხლოია ბავშვთა სახლებში მოგზაურობენ, რათა საკუთარ მშობლებს მიაგნონ.

ენელი აღნიშნავს, რომ რუგიამ თავდაპირველად შეხება და კოცნა სცადა და უთხრა, რომ ის უყვარდა. 15 წლის ასაკში მსახიობს ღრმა ემოციური კრიზისი დაეწყო.

საფრანგეთის კინორეჟისორთა საზოგადოებამ რუგია საზოგადოებიდან გარიცხა, თუმცა რეჟისორი მსახიობის ბრალდებას უარყოფს.

აღნიშნულ ფაქტთან დაკავშირებით მიმდინარეობს გამოძიება, მაგრამ როგორც ენელი აღნიშნავს, ის არ ენდობა პოლიციას და სამართალდამცავი ორგანოებისთვის თავად არ მიუმართავს.

კადრი ფილმიდან „ეშმაკები“