გორის მერია სასულიერო პირს ერთადერთი ოთახიდან ასახლებს

საზოგადოება - 15:59, 07 Nov, 2019

1486

გორის მუნიციპალიტეტის სოფელ ვარიანში, სასულიერო პირს ერთადერთი ოთახიდან ასახლებენ. ამის შესახებ სასულიერო პირმა, qartli.ge-სთან ინტერვიუში ისაუბრა.

დეკანოზი გრიგოლ (გოგიჩაძე) ამბობს, გორის მერი ეპისკოპოსის დავალებით, მოქმედებს. ეპისკოპოსის მდივანი, დედა თამარი (ცეცილია) ითხოვს იმ პირის დასახელებას, ვისაც ეპისკოპოსმა დეკანოზ გრიგოლის გასახლება მოითხოვა:

,,გთხოვთ, დამისახელეთ ის ადამიანი, ვისაც ეპისკოპოსმა დაავალა თქვენი გასახლება მაგ ოთახიდან" - უთხრა ეპარქიის მდივან-რეფერანტმა დედა თამარმა (ცეცილიამ) მამა გრიგოლს.

დეკანოზი გრიგოლი აცხადებს, რომ ამ ეტაპზე, მოსახლეობის ნაცვლად, ეპარქიაში მაღალი იერარქიის სასულირო დასი ხელისუფლების წარმომადგენლებს იყენებს, მათ შორის, გორის მერს.

,,ჩამოსულა ზედამხედველობის სამსახურიდან ვინმე გიორგი, ვარიანში. დაუთვალიერებია რაღაცეები. შენობაში მყოფ პირებს მოახსენა, რომ ამბულატორიის შენობა უნდა დამეტოვებინა, რადგან მიმდინარეობს აღწერა, რემონტი ამბულატორიისთვის. ამბულატორიის შენობა ისეთი დიდია, იქ ალბათ სასტუმროს გაკეთება უნდათ. 6 ოთახია. მე ჩემთვის ვარ ერთ პატარა ოთახში. რა უნდათ? რას მერჩიან? კედლებში რამე განძი ხომ არ არის ჩატანებული? ეპარქიის წარმომადგენელი უკვე გავაფრთხილე, რომ მის საეპისკოპოსოში სასულიერო პირს ასახლებენ ერთი ოთახიდან." - აცხადებს მამა გრიგოლი.