21 ოქტომბერს საღამოს, რუსეთში ქალაქ ვოლგოგრადში სამგზავრო ავტორუსში მოხდა აფეთქება, რასაც ექვსი ადამიანის სიცოცხლე შეეწირა. ქალაქში ტერორისტული საფრთხის მაღალი, „ყვითელი“ დონე გამოცხადდა, რაც ორი კვირის განმავლობაში გასტანს.

ტერორისტი ქალი - ნაიდა ახიალოვა მოსკოვში მახაჩკალიდან მიემგზავრებოდა. გაურკვეველე მიზეზით, ის ვოლგოგრადის ერთერთ რაიონში ჩამოვიდა.

„აფეთქების ადგილას, ნაიდა ახიალოვას სახელზე მახაჩკალა-მოკოვის ბილეთი აღმოჩნდა,“- იუწყება interfax.ru.

ბომბის აფეთქების ძალა 600 გრამი ტროტილის ექვივალენტს შეადგენდა.

კამიკაძე ტერორისტის მეუღლე მახაჩკალური დაჯგუფების ამფეთქებელი-სპეციალისტი აღმოჩნდა. მასზე ძებნა გამოცხადდა.