ერაყში ათობით მომიტინგე შეიკრიბა ირანის საკონსულოსთან ქალაქ კარბალაში კვირას ღამით, რომელთაც ბეტონის ბარიერები განათავსეს შენობის გარეთ ჩამოაგდეს ირანის დროშა და აღმართეს ერაყული,- აცხადებენ თვითმხილველები. ინფორმაციას ავრცელებს AL JAZEERA.

უსაფრთხოების ძალებმა ჰაერში რამდენჯერმე გაისროლეს, რათა პროტესტის მონაწილეები გაეფანტათ, რომელებიც დიპლომატიურ უწყებას ესროდნენ ქვებსა და დამწვარ ბორბლებს. მიუხედავად დაძაბულობისა, არ ყოფილა გავრცელებული ინფორმაცია დაშავებულთა შესახებ.

ანტი-სამთავრობო პროტესტებს კარბალაში, ბაღდადსა და მთელი ერაყის ტერიტორიაზე უკვე 250 ადამიანის გარდაცვალება მოყვა მას შემდეგ, რაც დემონსტრანტებს ცეცხლი გაუხსნეს პოლიციელებმა.

Al-jazeera-სთვის მიცემულ ინტერვიუში ფეიზალ ისტრაბადიმ, ერაყის ყოფილმა ელჩმა გაეროში გააფრთხილა ერაყის ხელისუფლება, რომ უფრო დიდი არეულობაა მოსალოდნელი ქვეყანაში, რაც ახლო აღმოსავლეთის რეგიონს უფრო დიდ ქაოსს უქადის.

„მე ძალიან მეშინია იმის რაც დღეს ხდება და მომავალშიც მოხდება, ჩვენ არ ვიცით წინ რა გველოდება“ ,- განაცხადა ერაყის ყოფილმა ელჩმა გაეროში.