"მეუფე პეტრე თავისუფალი ადამიანია, თუ უნდა, შეუძლია იყოს იმ მონასტერში, სადაც პატრიარქმა აკურთხა"- ჭყონდიდის ახალი მიტროპოლიტი

საზოგადოება - 18:16, 02 Nov, 2019

1758

ჭყონდიდის ეპარქიის დროებითი მმართველის თქმით, პატრიარქი მეუფე პეტრესთვის ეპარქიის შეცვლას ჯერ კიდევ 3 წლის წინ აპირებდა. მეუფე გრიგოლ კაცია ამბობს, რომ პირადად მან სთხოვა მეუფე პეტრეს პატრიარქს დალაპარაკებოდა და შენდობა ეთხოვა.

"მგონი 2017 წელს უწმინდესმა ბრძანა, რომ უნდა შევუცვალოთ ეპარქია მეუფე პეტრეს, იმ დროს სინოდმა სთხოვა უწმინდესს, რომ თუ შეიძლება რომ ახლა მივცეთო გაფრთხილება, გავიდა 5 სინოდი და იმის მერე ასეთი სიტუაციაა. ეს კიდევ მიიღო ერთი გაფრთხილება, უწმინდესის კურთხევით ჩამოვედი და ვუთხარი, რომ შეურიგდეს პატრიარქს, შეურიგდეს მღვდელმთავრებს. მეუფემ თქვა, - მე მივდივარ ბოლომდე.

კიდევ ვამბობ, ამ სინოდზე მეუფეები ადგნენ და უთხრეს, - მეუფევ არ გინდა, რატომ აკეთებ... ის მეუფეები, რომლებმაც სთხოვეს პატრიარქს 2017 წელს, ახლა სთხოვეს მეუფე პეტრეს, არ გააკეთო, გეხვეწები, ძმურად, მეგობრულად... მივიღეთ შედეგი ეს..." - განაცხადა მეუფე გრიგოლმა.

რაც შეეხება მეუფე პეტრეს გადაწყვეტილებას არ დაემორჩილოს პატრიარქის კურთხევას და წავიდეს შიამღვიმის მონასტეტში, მეუფე გრიგოლმა თქვა: "მეუფე არის თავისუფალი ადამიანი, თუ უნდა, შეუძლია იყოს იმ მონასტერში, სადაც პატრიარქმა აკურთხა, ან სხვა მონასტრებში.