არგენტინაში ძმებმა გონსალესებმა თინეიჯერი გოგონა გაიტაცეს და ორი თვის განმავლობაში აუპატიურებდნენ სახრახნისით.

18 წლის გოგონას განცხადებით, ტყვეობაში ყოფნის განმავლობაში მოძალადეები მასთან ერთად 27 წლის ქალზეც ძალადობდნენ და სისტემატურად აუპატიურებდნენ. ინფორმაციას MIRROR-ი ავრცელებს.

დაზარალებულთა განცხადებით, ისინი 2018 წლის თებერვალში გაიტაცეს 27 წლის ფერნანდო და 26 წლის გონსალო ბენიტესებმა და მარტის თვემდე ჰყავდათ გარესამყაროსგან იზოლირებული. სასამართლოს მიერ გაცხადებული ინფორმაციის თანახმად, დანაშაულებრივი ქმედების განხორციელებაში ბოროტმოქმედებს ეხმარებოდა მათი 66 წლის დედა, ესტერ ლიანოსი.

18 წლის თინეიჯერმა სამართალდამცავებს დეტალური ინფორმაცია მიაწოდა მათ წამებებზე მას შემდეგ, რაც მეორე მსხვერპლს დაკითხვისას ნერვიული აშლილობა დაემართა და ჩვენება ვერ მისცა.

დაზარალებულის ადვოკატის, გუსტავ აველანდას განცხადებით, გოგონებს აღენიშნებათ წამების ამსახველი მრავლობითი ნაიარევები სხეულზე.

მედიაში გავრცელებული ინფორმაციის თანახმად, ერთ-ერთმა მსხვერპლმა მოახერხა ტყვეობიდან გაქცევა. მას შემდეგ რაც დედამისს ესტუმრა, გოგონა ცუდად გახდა და სასწრაფოდ გადაიყვანეს საავადმყოფოში, თუმცა მაინც მოახერხა მოძალადის სახელის გამხელა სამართალდამცველთათვის.

პოლიციამ როდესაც ეწვია ბენიტესების სახლს, მათ მეორე მსხვერპლიც აღმოაჩინეს, რომელსაც მრავლობითი დაზიანებები აღენიშნებოდა სხეულზე- იგი დაკბენილი იყო ძაღლის მიერ.

ერთ-ერთი დაზარალებულის თქმით, მოძალადეები მათ ნარკოტიკს უკეთებდნენ და ორი თვის მანძილზე მუდმივად აუპატიურებდნენ სხვადასხვა სამუშაო იარაღებით.

სასამართლომ ბრალი წაუყენა ფერნანდო ბენიტეს, მის ძმასა და დედას გოგონების მკვლელობისა მცდელობაში, გაუპატიურებასა და ფიზიკური ზიანის მიყენების გამო.