ტაილანდელი მილიონერი ბიზნესვუმენი გარდაცვლილი იპოვეს, რომლის სხეული მისსავე მაცივარში იყო ჩაბეტონებული,- წერს DAILYMAIL-ი

სამშენებლო ბიზნესში ჩართული ჟირჩიროინენგი გაუჩინარდა 18 ოქტომბერს, მას შემდეგ რაც იგი უკანასკნელად ნახეს ადგილობრივ ტაძარში ჩიანგ მაიში, ჩრდილოეთ ტაილანდში.

მილიონერის გაუჩინარების შემდეგ მისი ძებნა დაიწყო ძმამ სწორედ იმ ადგილებში სადაც იგი უკანასკნელად შენიშნეს, თუმცა ვერ იპოვა.

სამართალდამცავები ამ დრომდე ეძებენ მკვლელს და ჟირჩიროინენგის მეგობარს, რომელიც მისი სიკვდილისთანავე გაუჩინარდა.

პოლიციელების განცხადებით, მილიონერის საბანკო ანგარიშიდან დიდი რაოდენობით ფული გაქრა- ბოროტმოქმედმა ბანკომატიდან გაიტანა 30 000 ფუნტი სტერლინგი. დაკარგულია ასევე მისი საკრედიტო ბარათები და მანქანაც. გავრცელებული ინფორმაციის თანახმად, მიმდინარეობს საზღვრების კონტროლი , რათა შეამოწმონ, დატოვა თუ არა ქვეყანა სავარაუდო ეჭვმიტანილმა.

გარდაცვლილის სხეული მას შემდეგ აღმოაჩინეს, რაც მისმა მეზობლებმა პოლიციაში დარეკეს და განაცხადეს რომ სახლიდან აუტანელი სუნი გამოდიოდა. სხეული იმდენად დამახინჯებული იყო, რომ საავადმყოფოში გააგზავნეს იდენტიფიცირებისთვის.