სირიის არმიის 6 ჯარისკაცი გარდაიცვალა ჩრდილოეთ სირიაში თურქულ შეიარაღებულ ძალებთან შეტაკების შედეგად.

აღნიშნული შემთხვევა სამხედრო ოპერაციის მანძილზე პირველია, როდესაც სირიის სამთავრობო ძალების მისამართით ცეცხლი გახსნეს თურქეთის რეგულარული არმიის ნაწილებმა. ინფორმაციას ავრცელებს TELEGRAPH-ი.

სირიაში მდებარე ადამიანის უფლებათა დაცვის ბრიტანული ორგანიზაციის უწყების თანახმად, დაპირისპირებულ მხარეებს შორის მოხდა გასროლა საარტილერიო დანადგარებიდან და ტყვიამფრქვევებიდან ასადიაში ქალაქ რას-ალ აინთან.

დამასკოს მიერ კონტროლირებადი სამხედრო ძალებმა უკან დაიხიეს და გავრცელებული ინფორმაციის თანახმად აპირებენ საზღვრის გასწვრივ განლაგებას, თუმცა ეს არ ეხება იმ 10 კილომეტრიან ზონას, სადაც თურქი და რუსი სამხედრო პოლიციელები ერთად პატრულირებენ.

შეგახსენებთ, რომ ერდოღანმა პუტინთან დადებული შეთანხმების საფუძველზე შეაჩერა სამხედრო ოპერაციის აქტიური ფაზა ჩრდილოეთ სირიაში, თუმცა თურქეთის პრეზიდენტი პირობას დებს, რომ თუ სრულად არ მოხდება ქურთი საჯარისო შენაერთების გაყვანა 30 კილომეტრიანი ზონიდა, იგი განაახლებს სამხედრო შეტევას მათ გასაძევებლად ჩრდილო-აღმოსავლეთ სირიიდან.