მოსკოვში, შესაძლოა ყოველი საცხოვრებელი ბინა პოლიციამ გადაამოწმოს, ხოლო პარასკევობით ჩატარდება არალეგალური მიგრაციის წინააღმდეგ ბრძოლის ოპერაციები, რასაც ხელისუფლება განსაკუთრებული გულმოდგინებით შეუდგა ბირიულევის რაიონში მომხდარი გახმაურებული მკვლელობის შემდეგ, - იუწყება სააგენტო http://zn.ua.

შეგახსენებთ, რომ 10 ოქტომბერს, მოკოვი სამხრეთით, ბირიულევოს რაიონში, აზერბაიჯანელმა არალეგალურმა ემიგრანტმა, 25 წლის მოსკოველი იგორ შერბაკოვი მოკლა, რის შემდეგაც მიიმალა. რაიონის მოსახლეობა 13 ოქტომბერს შეიკრიბა მკვლელობის სასწრაფო გამოძიებისა და მიგრაციის პოლიტიკის გამკაცრების მოთხოვნით, რაც არეულობაში გადაიზარდა.

მომდევნო დღეს, მოსკოვის პოლიციამ პროფილაქტიკური რეიდი ჩაატარა, რის შედაგადაც ათასზე მეტი, არასლავური გარეგნობის პირი დააკავეს.