ლიბანის პრემიერ-მინისტრმა საად ჰარირიმ გადადგომის შესახებ განაცხადა. იგი დანებდა დემონსტრანტთა მოთხოვებს, რომლებიც ორ კვირაზე მეტია, მთელი ქვეყნის მასშტაბით მართავენ მიტინგებს,- ინფორმაციას CNN-ი ავრცელებს.

3 ვადის პრემიერ მინისტრი უკანასკნელი ორი წლის მანძილზე ხელმძღვანელობდა მთავრობას, რომელშიც გაერთიანებულნი იყვნენ მისი პოლიტიკური მოწინააღმდეგეები, მათ შორის ჰეზბოლას პარტიიდან.

ბოლო თვეების მანძილზე ქვეყანაში ეკონომიკური მდგომარეობა საგრძნობლად გაუარესდა, რამაც ფასების გაზრდა გამოიწვია. 17 ოქტომბერს მთავრობამ WHATSAPP-ის ზარებზე გადასახადი დააწესა, რაც პროტესტის განსაკუთრებული გამწვავების მიზეზი გახდა- დემონსტრაციების შედეგად ბანკები და სკოლები დაკეტილი იყო 12 დღის მანძილზე, მომიტინგეებმა გადაკეტეს მთავარი მაგისტრალები.

„მე ამას ვერ დავმალავ. ჩიხში ვარ მოქცეული. მთავრობის წევრების პასუხისმგებლობაა, რომ დავიცვათ ლიბანი და გავაძლიეროთ ეკონომიკა . არავინაა ქვეყნაზე აღმატებული “ ,- თქვა ჰარირიმ თავის განცხადებაში.

ჰარირიმ გადადგომის შესახებ მას შემდეგ ამცნო საზოგადოებას, რაც ბეირუთის ცენტრალური ნაწილი ათიათასობით დემონსტრანტმა დაიკავა, რომლებიც ერთხმად სკანდირებდნენ „შია“ „შია“. ლიბანელი მოქალაქეები ისლამური პოლიტიკური პარტია ჰეზბოლას მხარდამჭერ სიმღერებს მღეროდნენ.