ერაყში გასულ ღამეს სამართალდამცავებსა და მომიტინგეებს შორის შეტაკებას მსხვერპლი მოჰყვა. ქალაქ კერბალაში სამხედროების მიერ გახსნილ ცეცხლს 18 მშვიდობიანი მოქალაქის სიცოცხლე შეეწირა და 865 მძიმედ დაშავდა. ამის შესახებ წერს HAARETZ-ი.

ორშაბათს ერაყელებმა ქუჩაში გამოსვლით საპროტესტო აქციების მეორე ტალღა წამოიწყეს პრემიერ-მინისტრ ადელ აბდულ მაჰდისა და მისი მთავრობის, პოლიტიკური ელიტის წინააღმდეგ, რომლებიც არიან კორუფციაში მხილებულნი. მას შემდეგ რაც საპროტესტო ტალღამ 1 ოქტომბრიდან მოიცვა მთელი ერაყის ტერიტორია, გარდაცვლილია 250 ადამიანი.

სამთავრობო ძალები პროტესტის მონაწილეთა წინააღმდეგ იყენებენ ლეტალურ ტყვიებს, ხელკეტებსა და მხუთავ აირებს.

TWITTER-ზე მოქალაქეების მიერ გამოქვეყნდა კარბალაში მიმდინარე აქციების დარბევის ვიდეო-კადრები, სადაც ასახულია დამწვარი მანქანები და ხალხი, რომელიც ცდილობს გაექცეს სამხედროების მიერ ნასროლ ტყვიებს.