უცხოური მედია ნომერ პირველი ტერორისტის, ISIS-ის დამაარსებლის, აბუ ბაქრ ალ-ბაღდადის ლიკვიდაციის სპეცოპერაციის დეტალებს ავრცელებს.
გამოცემა Defense One წყაროზე დაყრდნობით წერს, რომ ალ-ბაღდადის ადგილსამყოფელი დაზვერვის სამსახურებმა მაშინ აღმოაჩინეს, როდესაც იგი ცდილობდა თავისი ოჯახი სირიის ქალაქ იდლიბიდან თურქეთის საზღვართან გადაეყვანა. იგივე წყარო აცხადებს, რომ ალ ბაღდადისთან ერთად დაიღუპნენ მისი დაცვის წევრებიც. ამასთან, აღსანიშნავია, რომ ირანს ალ-ბაღადადის განადგურების შესახებ სირიელმა მაღალჩინოსნებმა აცნობეს.
თურქული სააგენტო Anadolu-ს ცნობით, ოპერაციის ადგილზე აღმჩენილ იქნა 7 ადამიანის გვამი, რომელთა შორის ერთი ბავშვი და სამი ქალია.სააგენტო აცხადებს, რომ სპეცოპერაციაში მონაწილეობდა 8 სამხედრო ვერტმფრენი და ორი უპილოტო საფრენი აპარატი. ისინი საათნახევრის განმავლობაში ბომბავდნენ სოფელ ბარიშას მახლობლად მდებარე ობიექტს, სადაც ალ-ბაღდადი აფარებდა თავს, ბარიშა თურქეთის საზღვრიდან დაახლოებით 9 კილომეტრში მდებარეობს. დაბომბვის შედეგად სრულიად განადგურდა ერთი სახლი და დაიწვა 3 კარავი.
მასალის გამოყენების პირობები






