მე შენ მოგკლავ - როგორ აწამებდა რამზან კადიროვის ბიძაშვილის შვილი ჩეჩენ ქალს (ვიდეო +18)

მსოფლიო - 16:14, 26 Oct, 2019

3348

ტელერადიოკომპანია «Грозный»-მ ეთერში გაუშვა სიუჟეტი თუ როგორ აყენებს ფიზიკურ და სიტყვიერ შეურაცხყოფას ჩეჩენ ქალს რამზან კადიროვის ბიძაშვილის შვილი. კადრში ჩანს ფაქტი, როდესაც ისლამ კადიროვი ქალს ელექტროშოკის მეშვეობით აწამებს.

ისლამ კადიროვი, ოდესღაც მაღალ თანამდებობებს იკავებდა ჩეჩნეთში, თუმცა ამჟამად იგი შესაძლოა სისხლის სამართლის დანაშაულის გამო ციხეში აღმოჩნდეს.

ისლამის ბიოგრაფია წვეთი წყალივით ჰგავს რამზან კადიროვის ნათესავებისა და ახლობლების ბიოგრაფიას. იგი იყო გროზნოს მერი, ჩეჩნეთის მთავრობის ადმინისტრაციის ხელმძღვანელი, ვიცე-პრემიერი. 2018 წლიდან ბიძამ ისლამზე გული აიყარა და იგი ყველა დაკავებული თანამდებობიდან გადააყენეს.

ტელეკომპანია აცხადებს, რომ ეს კადრები, რომელიც კადიროვის მერად ყოფნის დროს არის მისი პირადი ოპერატორის მიერ გადაღებული, ჟურნალისტების ხელში რამდენიმე დღის წინ მოხვდა. ტელეეთერით გასულ სიუჟეტში აღნიშნულია, რომ ამ კადრების გაშვების მიზანი ისლამ კადიროვის წინააღმდეგ სისხლის სამართლის აღძვრაა.

როგორც ჩანს, რამზან კადიროვი, რომელმაც ბიძაშვილის შვილზე გული აიყარა, მის დასჯით სამართლიანი და მკაცრი მმართველის იმიჯის მოპოვებასაც ცდილობს, რადგან ექსპერტები აცხადებენ, რომ ადამიანების მიმართ მსგავსი მეთოდებით მოპყრობა ჩეჩნეთში ჩვეულებრივი მოვლენაა.

გაფრთხილება: ვიდეო შეიცავს ძალადობის ფაქტებს - "ნიუპოსტი"