სუდანსა და აფრიკის სხვადასხვა ქვეყნებში მიმდინარე სამოქალაქო დაპირისპირებისა და ეთნოწმენდის შემთხვევებს გამოქცეული ლტოლვილები ლიბიის მიგრანტთა ბანაკებს აფარებენ თავს, თუმცა ტრიპოლიში მიმდინარე სამხედრო დაპირისპირების შედეგად, ისინი ჯერ კიდევ ვერ გრძნობენ თავს უსაფრთხოდ,- ინფორმაციას ავრცელებს BBC.

ივლისში განხორციელდა საჰაერო იერიში ლტოლვილთა ბანაკზე ამბოხებულთა მხრიდან- გაცხადებული ინფორმაციის თანახმად, მათ სამთავრობო ძალების გამაგრებული პოზიციები აერიათ უდანაშაულო ადამიანებით დასახლებულ ზონაში, რა დროსაც განხორციელდა საჰაერო დაბომბვები- შეტევის შედეგად გარდაიცვალა 53 ადამიანი და 130 მძიმედ დაშავდა.

მსოფლიო ჯანმრთელობის ორგანიზაციის ინფორმაციით, ქალაქ ტრიპოლიზე ამბოხებულთა მხრიდან ბოლო 6 თვეა რაც თავდასხმები მიმდინარეობს. იერიშების შედეგად გარდაცვლილია 1000 ადამიანი, მათ შორის 100 სამოქალაქო პირია.

მიგრანტთა ბანაკში დაბომბვებს გადარჩენილი ადამიანები ხაფანგში იმყოფებიან და ითხოვენ გაეროსგან ძირეული ნაბიჯების გადადგმას მათი უსაფრთხოების უზრუნველსაყოფად, თუმცა ძირეული ნაბიჯები ჯერჯერობით არ გადადგმულა მათ დასაცავად.