ჰონგ-კონგში გაათავისუფლეს მკვლელობაში ბრალდებული მამაკაცი, რომლის ექსტრადიციის განზრახვამ და აღნიშნული კანონის ცვლილების იდეამ გამოიწვია მასობრივი არეულობა ქალაქში,- ინფორმაციას BBC ავრცელებს.

ჩან იონგ-კაის ბრალად ედებოდა თავისი ფეხმძიმე შეყვარებულის მკვლელობა ტაივანში, რომელიც მან გავრცელებული ინფორმაციით ჩაიდინა მანამ, სანამ ჰონგ-კონგში დაბრუნდებოდა. იქიდან გამომდინარე, რომ ტაივანსა და ჰონგ-კონგს შორის არ არსებობს ხელშეკრუელბა ექსტრადირებასთან დაკავშირებით, მისი ექსტრადირება გადაწყვიტა მთავრობამ ჩინეთში ექსტრადირების კანონის ცვლილების საფუძველზე.

19 თვიანი პატიმრობიდან გათავისუფლების შემდეგ, 20 წლის დამნაშავემ ბოდიში მოუხადა მსხვერპლის ოჯახს დიდი ტკივილისა და ტანჯვისთვის.

„მე მზად ვარ დავნებდე საკუთარ თავს, წავიდე ტაივანში, წავრსდგე მართლმსაჯულების წინაშე და მოვიხადო სასჯელი“ ,- განაცხადა ჩან იონგ-კაიმ მედიისთვის მიცემულ ინტერვიუში.

მას შემდეგ, რაც ჰონგ-კონგმა მკვლელი გაათავისუფლა, ოფიციალურმა ტაიპეიმ განაცხადა, რომ გამოაგზავნიდნენ სამართალდამცავებს, რათა უზრუნველყოთ ჰონგ-კონგის ტერიტორიიდან ბოროტმოქმედის ესკორტირება და ტაივანში ჩაყვანა- იმისთვის, რომ წარედგინათ მართლმსაჯულების წინაშე. ამ მოთხოვნის შესრულებაზე კი ჰონგ-კონგის ოფიციალურმა პირებმა უარი განუცხადეს ტაივანის მთავრობას.

ხელისუფლების მიერ შემუშავებულ ექსტრადიციის კანონს, ჰონგ-კონგის მთელ ტერიტორიაზე მოყვა მასშტაბური პროტესტი, რადგან დემონსტრანტები თვლიდნენ, რომ ჩინეთში პატიმრების ექსტრადირებით არ იქნებოდა გარანტია მათი უფლებების დაცვისა და სამართლიანი სასამართლო პროცესების წარმართვის.