რუსეთის პრეზიდენტის, ვლადიმერ პუტინის პრეს-მდივანმა , დიმიტრი პესკოვმა მედიასთვის მიცემულ ინტერვიუში განაცხადა, რომ ამერიკელებმა უღალატეს სირიაში ქურთებს, დატოვეს ისინი საზღვარზე და აიძულეს ებრძოლათ თურქების წინააღმდეგ.მისი განცხადებით, თუ ქურთული შეიარაღებული ფორმირებები არ გამოვლენ სირია-თურქეთის საზღვრის მიმდებარე ტერიტორიიდან, მაშინ რუს და სირიელ პოლიციელებს მოუწევთ აღნიშნული ლოკაციის დატოვება. ეს კი ნიშნავს, რომ ქურთები თურქული არმიის რეგულარული არმიის ნაწილების პირისპირ აღმოჩნდებიან. ,- ინფორმაციას RIA NOVOSTI ავრცელებს.

შეგახსენებთ, რომ 22 ოქტომბერს რუსეთში შეხვედრა გაიმართა ერდოღანსა და პუტინს შორის, სადაც თურქეთის მიერ სირიაში მიმდინარე სამხედრო ოპერაციის შეჩერების შესახებ შეთანხმდნენ. აღნიშნული მოლაპარაკებების შედეგად, ქურთებმა უნდა გაიყვანონ სამხედრო ნაწილები ჩრდილოეთი სირიის 30 კილომეტრიანი ზონის მიღმა და დაყარონ იარაღი. თურქული ჯარი კი შეინარჩუნებს იმ დაკავებულ ტერიტორიას, რაც ამჟამად მათ ხელთაა ჩრდილოეთ სირიაში.