თურქეთსა და რუსეთს შორის შეთანხმება გაფორმდა ქურთებთან დაკავშირებით, რომელთა შეიარაღებული რაზმების წინააღმდეგ რამდენიმე დღის წინ თურქული რეგულარული არმიის ნაწილები ახორციელებდნენ სამხედრო ოპერაციებს ჩრდილოეთ სირიაში.

შეხვედრა სოჭში გაიმართა და 6 საათზე მეტ ხანს გაგრძელდა. მხარეებმა მედიას გააცნეს 10 პუნქტიანი ხელშეკრულება, რომელზეც შეთანხმდნენ რუსეთისა და თურქეთის პრეზიდენტები მოლაპარაკების პროცესში:

1) ორივე მხარე იღებს საკუთარ თავზე ვალდებულებას, ხელი შეუწყოს სირიის პოლიტიკურ ერთობასა და ტერიტორიულ მთლიანობას.

აგრეთვე უნდა მოხდეს თურქეთის ეროვნული უსაფრთხოების უზრუნველყოფა.

2) გამოთქვამენ მზადყოფნას, ებრძოლონ ტერორიზმისა და სეპარატიზმის ყოველგვარ გამოვლინებას სირიის ტერიტორიაზე.

3) შენარჩუნდება ოპერაცია „მშვიდობის წყაროს“ სტატუს-კვო ტელ-აბიადისა და რას ალ აინის რაიონებში - თურქული შეიარაღებული ძალები დარჩებიან იმ ტერიტორიებზე, რომლებშიც ამ დროისთვის იმყოფებიან.

4) ორივე მხარე თავიდან განიხილავს ადანის შეთანხმებას. რუსეთი ხელს შეუწყობს ზემოხსენებული შეთანხმების პირობების დაცვას.

5) 2019 წლის 23 ოქტომბერს, 12:00 საათიდან რუსეთის სამხედრო პოლიცია და სირიის საზღვრის დამცველები შევლენ თურქეთ- სირიის სასაზღვრო ტერიტორიაზე სირიულ ტერიტორიულ ფარგლებში, რომლებიც ხელს შეუწყობენ ქურთული სამხედრო შენაერთების, YPG-ის ჯარისკაცების გასვლას ჩრდილოეთი საზღვრიდან 30 კილომეტრის მოშორებით, ისინი აგრეთვე ვალდებულნი იქნებიან ჩააბარონ იარაღი და ტექნიკა. ქურთული სამხედრო ფორმირებების პროცესი უნდა დასრულდეს 150 საათში. რუსი და ქურთი სამხედროები კი განახორციელებენ პატრულირებას ოპერაცია „მშვიდობის წყაროს“ დასავლეთით და აღოსავლეთით სირიის უკიდურესი ჩრდილოეთი საზღვრიდან 10 კილომეტრიან სიღრმეში გარდა ქალაქი ქამიშლისა.

6) Ypg-ის ყველა მებრძოლი და შეიარაღება იქნება გაყვანილი მანბიჯიდან და ტალ-რიფატიდან.

7) ორივე მხარე გააკეთებს ყველაფერს, რათა მოხდეს ტერორისტული დაჯგუფებების ინფილტრაცია

8) ერთობლივი ზომები იქნება მიღებული სირიელი ლტოლვილების ქვეყანაში დასაბრუნებლად და მათთვის უსაფრთხო საცხოვრებელი ზონების შესაქმნელად.

9) ერთობლივი მონიტორინგი და გადამოწმება მოხდება აღნიშნული მემორანდუმისა ორივე მონაწილე მხარის მიერ

10) ორივე მხარე გააგრძელებს სირიის კრიზისის პოლიტიკური გზით გადაჭრის მექანიზმების გამონახვას, ასტანის მექანიზმის ფარგლებში და მხარს დაუჭერენ საკონსტიტუციო კომიტეტის საქმიანობას.