ავღანეთში, კუნდუზის პროვინციაში საკონტროლო გამშვებ პუნქტზე შეტაკება მოხდა პოლიციელებსა და შეიარაღებულ პირებს შორის, რომლის შედეგადაც 15 სამართალდამცავი და 8 თავდამსხმელია გარდაცვლილი,- ინფორმაციას AL-JAZEERA ავრცელებს.

გავრცელებული ინფორმაციის თანახმად, ცეცხლსასროლი იარაღიდან სროლა რამდენიმე საათის განმავლობაში გრძელდებოდა. თავდასხმა მას შემდეგ მოხდა, რაც ავღანეთის შეიარაღებული ძალები უკვე რამდენიმე კვირის განმავლობაში ებრძვიან თალიბებს ზემოხსენებულ რეგიონში.

დღეს განხორციელებულ თავდასხმაზე, თალიბების სპიკერმა, ზაბიჰულა მუჯაიდმა აიღო პასუხისმგებლობა.