თურქეთის საგარეო საქმეთა მინისტრმა განაცხადა, რომ მისი ქვეყანა განაახლებს სამხედრო ოპერაციას სირიის ჩრდილო-აღოსავლეთში, თუ ქურთი მებრძოლები მთლიანი ზოლიდან არ გაიყვანენ შეიარაღებულ ძალებს,- ინფორმაციას AL JAZEERA ავრცელებს.

„ჩვენ 35 საათი დაგვრჩა. თუ ისინი არ გაიყვანენ ჯარისკაცებს, ჩვენი სამხედრო ოპერაცია განახლდება. ეს არის იმ პირობების ერთობლიობა რაც, ჩვენ შევათანხმეთ ამერიკელ კოლეგებთან“,- განაცხადა მევლუტ ჩავასოღლუმ მედიისთვის მიცემულ ინტერვიუში.

შეგახსენებთ, რომ თურქეთმა მოითხოვა ქურთების საჯარისო ნაწილების გაყვანა ჩრდილოეთ სირიის 30 კილომეტრიანი ზოლიდან , სადაც უნდა მოხდეს 3,5 სირიელი ლტოლვილის ჩასახლება, რომლებიც ამჟამად თურქეთის სამხრეთ საზღვარზე განლაგებულ დროებით თავშესაფრებში არიან განაწილებულნი.

სირიაში თურქეთის სამხედრო ოპერაციის წინააღმდეგია აგრეთვე ირანის საგარეო საქმეთა მინისტრი, რომელიც მხარს უჭერს სირიის ტერიტორიულ მთლიანობას.

„ჩვენ წინააღმდეგი ვართ ანკარის მიერ სირიაში სამხედრო ნაწილების განლაგების. საკითხი უნდა მოგვარდეს დიპლომატიური გზებით. სირიის მთლიანობა უნდა იქნას დაცული“,- განაცხადა აბას მუსავიმ, რომელიც ასადის მთავრობის ერთ-ერთ ყველაზე მნიშვნელოვან მოკავშირედ ითვლება რეგიონში.