MIRROR-ის ინფორმაციით, პედოფილ ძიძას აშშ-ში 20 წლით თავისუფლების აღკვეთა მიესაჯა მას შემდეგ, რაც მან 11 წლის ბიჭი რამდენჯერმე გააუპატიურა. ბოროტმოქმედი თინეიჯერი მოზარდისგან დაორსულდა და მათ უკვე საერთო შვილი ჰყავთ

გავრცელებული ინფორმაციის თანახმად, 28 წლის მარისა მოურიმ ბიჭი 20-ჯერ გააუპატიურა იმ პერიოდის განმავლობაში, როდესაც დამნაშავე მის ოჯახში მუშაობდა ძიძად.

მას შემდეგ, რაც მოური დაორსულდა და მსხვერპლს შვილი გაუჩინა, იგი განაგრძობდა ბიჭის გაუპატიურებას მანამდე, სანამ იგი 14 წლის არ გახდა.

როგორც უკვე ცნობილი გახდა, 17 წლის ახალგაზრდა თავის 5 წლის შვილთან ერთად ცხოვრობს და სკოლაში ერთად დადიან- მცირეწლოვანი პირველ კლასშია, ხოლო მამა დამამთავრებელი კურსის მოსწავლეა.