ქურთმა სამხედრობმა ცეცხლის შეწყვეტის შეთანხმების თანახმად, ქალაქი რას-ალ-აინიდან გასვლა დაიწყეს,-ინფორმაციას ავრცელებს CNN

ქურთული საჯარისო შენართების ხელმძღვანელმა, კინო გაბრიელმა განაცხადა, რომ ზემოხსენებულ ლოკაციაზე მებრძოლები გაიყვანეს.

120– საათიანი ცეცხლის შეწყვეტის შესახებ შეთანხმების თანახმად, რომელიც გაფორმდა აშშ-ს ვიცე-პრეზიდენტ მაიკ პენსსა და თურქეთის პრეზიდენტ რეჯეპ ტაიპ ერდოღანს შორის, თურქული მხარე ითხოვს, SDF ( ქურთული შეიარაღებული ფორმირებები) ძალების გაყვანას, მათ მიერ დაწესებულ ე.წ "უსაფრთხო ზონიდან" სირიის ჩრდილო-აღმოსავლეთ ნაწილიში.

ერდოღანმა განაცხადა, რომ თურქეთის შეტევა განახლდება, თუ აშშ არ მიიღებს გარანტიას, რომ სამშაბათს ღამით სირიელი ქურთი მებრძოლები აღნიშნული ტერიტორიიდან სრულად გავლენ.

თურქეთის მთავრობა ამტკიცებს, რომ ეს არაა ცეცხლის შეწყვეტის შეთანხმება, არამედ მხოლოდ "პაუზაა" რეგიონში ჩატარებული ოპერაციების დროებით შეჩერების შესახებ, რათა ქურთმა მებრძოლებმა დატოვონ ტერიტორია.