Brexit-ის საგა - გადადებული კენჭისყრა და სამი წერილი ევროკავშირს

მსოფლიო - 13:41, 20 Oct, 2019

670

დიდი ბრიტანეთის პარლამენტმა ევროკავშირიდან გასვლის ახალი შეთანხმების შესახებ გადაწყვეტილება კვლავ ვერ მიიღო და კენჭისყრა მომავალი კვირისთვის გადადო. BBC-ის ინფორმაციით, 19 სექტემბერს კენჭისყრის ჩატარების შემთხვევაში შეთანხმება ჩავარდებოდა, რადგან მისი მიღებისათვის აუცილებელი 320 ხმის ნაცვლად დოკუმენტს მხარს მხოლოდ 310 პარლამენტარი დაუჭერდა. შეგახსენებთ, Brexit-ის ბოლო ვადა 31 ოქტომბერია.

ამასთან, პარლამენტმა მიიღო ე.წ. "ლეტვინის" შესწორება, რომლის თანახმადაც, სანამ ხელშეკრულებას კენჭისყრაზე გაიტანენ, უნდა იქნას ყველა ის კანონი, რომელიც ამ შეთანხმების შესრულებას უზრუნველყოფს. პარლამენტს ვადა ამისთვის 31 ოქტომბრამდე აქვს.

დეპუტატების უმრავლესობა კვლავ ითხოვს ევროკავშირიდან გასვლის ვადის გადაწევას, თუმცა პრემიერი ბორის ჯონსონი ჯიუტად იმეორებს, რომ არავითარი გადაწევა არ მოხდება და 31-ში ბრიტანეთი ევროკავშირიდან მაინც გავა, შეთანხმების გარეშეც კი.

გუშინ ბრიტანეთის მთავრობის სახელით ევროკავშირში სამი წერილი გაიგზავნა.

პირველი - პარლამენტის წევრების მიერ ჯერ კიდევ სექტემბერში დამტკიცებული წერილი ბრექსიტის თარიღის გადაწევის შესახებ. მასზე ჯონსონს ხელი არ მოუწერია.

მეორე - ბორის ჯონსონის წერილი ტუსკს, სადაც ის აცხადებს, რომ ბრექსიტის გადაწევა ვნებს როგორც ბრიტანეთს, ასევე ევროკავშირს და იგი იმედოვნებს, რომ ბრექსიტის პროცესი 31 ოქტომბრისთვის აუცილებლად დასრულდება.

მესამე - ევროკავშირში ბრიტანეთის მუდმივი წარმომადგენლის წერილი, სადაც იგი განმარტავს, რომ ტარიღის გადაწევის მოთხოვნა ეკუთვნის პარლამენტს და არა მთავრობას.

როდის დადგება ახალი შეტანხმება პარლამენტში კენჭისყრაზე ამის შესახებ გადაწყვეტილებას სპიკერი 21 ოქტომბერს მიიღებს.

ამ პროცესს, რომელიც უკვე სამ წელზე მეტია გრძელდება ბრიტანეთში "ბრექსიტის საგას" უწოდებენ და ყველა ინტერესით ელოდება, რა იქნება ფინალურ სერიაში.