მექსიკის ჩრდილოეთით მდებარე ქალაქ კულიაკანში შეტაკება მოხდა ნარკო-კარტელის ბანდებსა და სამართალდამცავებს შორის. დაპირისპირება მას შემდეგ დაიწყო, როდესაც პოლიციელებმა ქალაქში პატრულირებისას ერთ-ერთ სახლში აღმოაჩინეს ოვიდიო გუზმან ლოპესი, მექსიკის ცნობილი ნარკობარონის, ხოაკინ გუზმანის შვილი,- ინფორმაციას BBC ავრცელებს.

სროლა 4 საათის განმავლობაში გაგრძელდა- გუზმანის დაკავებისთანავე ნარკო კარტელის წერვრი შეიარაღებული მამაკაცები გამოჩნდნენ, რომელთაც ტყვიამფრქვევებიდან გახსნეს ცეცხლი პოლიციის მანქანების მიმართულებით, რის გამოც მექსიკელ სამართალდამცავებს გუზმანის გაშვება მოუწიათ- მიზეზად კი პოლიციელების სიცოცხლის შენარჩუნება და ქალაქში სიმშვიდის შენარჩუნება დაასახელეს.

გავრცელებული ინფორმაციის თანახმად, შეტაკებებს 8 ადამიანი ემსხვერპლა და 21 მძიმედ დაიჭრა, დაიწვა აგრეთვე რამდენიმე პოლიციისა და მოქალაქი მანქანა.

მექსიკის პრეზიდენტის, ანდრეს მანუელ ლოპეზ ობრადორის თქმით, გადაწყვეტილება განპირობებული იყო ადამიანების სიცოცხლის უსაფრთხოებიდან გამომდინარე.

გუზმანის ადვოკატის განცხადებით, ოვიდიო გუზმანი ცოცხალი და თავისუფალია. თვითმხილველთა განცხადებით, ქალაქში უწყვეტი სროლის გამო მოსახლეობა დაშინებულია და გარეთ არ გამოდის.

კულიკანი მექსიკაში კრიმინალის დონით ერთ-ერთი ყველაზე საშიში ქალაქია, სადაც ნარკოტიკის წარმოება 1940 წლიდან დღემდე გრძელდება. მიუხედავად იმისა, რომ ცნობილი ნარკო ბარონი, ელ-კაპო (ხოაკინ გუზმანი) დაკავებულია, იგი დღემდე ერთ-ერთ ყველაზე ცნობილ და გავლენიან დამნაშავედაა მიჩნეული ქალაქსა და რეგიონში.

ხოაკინ გუზმანი 2015 წელს დააკავა მექსიკის პოლიციამ , თუმცა მან მოახერხა ციხიდან გაქცევა, 2017 წელს კი აშშ-ში მოხდა მისი ექსტრადირება და სამართალდამცავებისთვის გადაცემა.

მას ბრალად დასდეს ასეულობით ტონა კოკაინის, ჰეროინისა და სხვა ნარკოტიკული ნივთიერებების შეტანა-ვაჭრობისთვის ამერიკის ტერიტორიაზე.