ქალაქ ლაქსორში ეგვიპტელმა არქეოლოგებმა 20 უძველესი სარკოფაგი აღმოაჩინეს. სარკოფაგები, რომლებიც კაშკაშა ფერებშია მოხატული აღმოჩენილია ტებანის ნეკროპოლისში, ასასიფში, მდინარე ნილოსის დასავლეთ სანაპიროზე,- ინფორმაციას BBC ავრცელებს.

ეგვიპტის მთავრობის მაღალჩინოსანთა თქმით, ეს ბოლო წლებში გაკეთებული ერთ-ერთი უდიდესი და უმმნიშვნელოვანესი აღმოჩენაა. ჯერჯერობით დამატებითი დეტალები ცნობილი არაა, თუ კონკრეტულად რა არის აღმოჩენილი სარკოფაგებში.

როგორც ცნობილია, ასასიფში სამარხების უმრავლესობა ძვ.წ 664-332 წლების პერიოდს მოიცავს. აქ არის ასევე ისეთი სამარხებიც კი , რომლებიც ძვ.წ 1550-1292 წლებით თარიღდება და მოიცავს ისეთი ცნობილი ფარაონების სამარხებს, როგორებიც იყვნენ ჰაჩეფსუტი, ტუტმოს III, ამენჰოტეპ III, ეხნატონი და ტუტანჰამონი.