სოციალურ ქსელ TWITTER-ზე CNW-ის მიერ გავრცელდა 3 დღის წინ სირიაში თურქული ავიაციის მიერ რას-ალ აინთან მშვიდობიანი მოსახლეობის საავტომობილო კოლონაზე განხორციელებული დაბომბვის ვიდეო-კადრები, რომლის შედეგადაც გარდაიცვალა 14 ადამიანი, მათ შორის 2 ჟურნალისტი.

ჩრდილოეთ სირიაში მიმდინარე დაპირისპირებას 1000-მდე ადამიანის სიცოცხლე შეეწირა. მიუხედავად იმისა, რომ უკვე გამოცხადდა ამერიკის ვიცე-პრეზიდენტისა და ერდოღანის კომუნიკაციის შემდეგ ცეცხლის შეწყვეტა ქურთული შეიარაღებული ძალების 30 კილომეტრიანი მონაკვეთის დატოვების პირობით, ქურთი მებრძოლები აცხადებდნენ, რომ მათთან არავის დაუდია შეთანხმება აღნიშნულ საკითხზე და უარს აცხადებენ შეიარაღებული ძალების გაყვანაზე ჩრდილოეთი სირიიდან.