skynews-ის მიერ გავრცელებული ინფორმაციის თანახმად, თურქეთის პრეზიდენტმა, რეჯეპ ტაიპ ერდოღანმა განაცხადა, რომ იგი არ შეხვდება 17 ოქტომბერს თურქეთში დაგეგმილი შეხვედრის განმავლობაში აშშ-ს ვიცე-პრეზიდენტ მაიკ პენსსა და სახელმწიფო მდივანს, მაიკ პომპეოს, რომელთა უმთავრეს მიზანს წარმოადგენს თურქი მაღალჩინოსნების დარწმუნება სირიაში მიმდინარე სამხედრო ოპერაციის შეაჩერებასთან დაკავშირებით.

„მე არ ვაპირებ მათთან საუბარს. დაელაპარაკონ თავიანთი რანგის მაღალჩინოსან თურქ კოლეგებს. მე მხოლოდ ტრამპთან მექნება საუბარი“ ,- განაცხადა ერდოღანმა ამერიკული მედიისთვის მიცემულ ინტერვიუში.

დაგეგმილი შეხვედრის თანახმად, აშშ-ს ვიცე-პრეზიდენტი, მაიკ პენსი, სახელმწიფო მდივანი მაიკ პომპეო, ეროვნული უსაფრთხოების საკითხებში პრეზიდენტის მრჩეველი რობერტ ო ბრაიენი და აშშ-ს სპეციალური წარმომადგენელი სირიაში, ჯეიმს ჯეფრი ესტუმრებიან სირიას, რათა მიაღწიონ შეთანხმებას კონფლიქტის დარეგულირებაზე სირიაში. მათი მთავარი გზავნილი იქნება ის, რომ სანქციები ასამოქმედებლად უკვე მზადაა და პრეზიდენტი ხელს მოაწერს, თუ თურქეთი არ შეწყვეტს სამხედრო ოპერაციას ჩრდილოეთ სირიაში.

სამშაბათს ერდოღანმა განუცხადა საერთაშორისო საზოგადოებას, რომ იგი არ აპირებს სანქციების მუქარის ფონზე საკუთარ მიზნებზე უარი თქვას- „ ისინი ზეწოლას ახდენენ ჩვენზე სამხედრო ოპერაციის შესაჩერებლად, აანონსებეს სანქციებს, თუმცა ჩვენი მიზანი ნათელია- არ ვწუხვართ ამის გამო“.