BBC-ის ინფორმაციით, კატალონიაში დაპირისპირება არ წყდება მომიტინგეებსა და პოლიციელებს შორის. დემონსტრანტებმა სცადეს სამთავრობო შენობების შტურმით აღება რა დროსაც ბარსელონას პოლიციამ მათ წინააღმდეგ ცრემლსადენი გაზი, რეზინის ტყვიები და ხელკეტები გამოიყენა. ესპანეთის მთავრობის განცხადებით ისინი იკვლევენ, თუ ვინ ხელმძღვანელობს ამ საპროტესტო ტალღას და აუცილებლად დასჯიან უშუალო ხელმძღვანელ პირებს.

გავრცელებული ინფორმაციის თანახმად, დაპირისპირების შედეგად 9 ადამიანი მძიმედ დაშავდა, რომელსაც სამედიცინო დახმარება დასჭირდა, ხოლო 3 მათგანი კი სამართალდამცავებმა დააკავეს.

საპროტესტო ტალღა მოედო ასევე კატალონიის სხვა ქალაქებს- ჟირონასა და ტარაგონას.

პოლიციელებსა და მომიტინგეებს შორის დაპირისპირება დაიწყო მას შემდეგ, როდესაც ესპანეთის უზენაესმა სასამართლომ კატალონიის პოლიტიკურ ლიდერებს 9-იდან 13 წლამდე პატიმრობა შეუფარდა.