იაპონიაში სტიქია მძვინვარებს - ტაიფუნი და მიწისძვრა ერთდოულად მოხდა, რა დროსაც ქვეყანაში დაფიქსირდა ბოლო ათწლეულების მანძილზე ყველაზე დიდი ტალღები,- ინფორმაციას DAILYMAIL-ი ავრცელებს.

5.7 მაგნიტუდის ბიძგების შემდეგ 7.3 მილიონი ადამიანის ევაკუაცია გამოცხადდა, რა დროსაც გარდაიცვალა 2 ადამიანი შტორმში მოყოლის შედეგად.

კოკისპირული წვიმა და ტორნადოს სიმძლავრის ქარები ამ დროისთვისაც კი მოქმედებენ იაპონიის უდიდეს ნაწილზე. გავრცელებული ინფორმაციის თანახმად, ქარის სიჩქარე 225 კმ/სთ-ს წარმოადგენს.

ტაიფუნი „ჰაგიბისი“-ს დამანგრეველი მოქმედებების გამო მსოფლიო ჩემპიონატის ორი მატჩი გადაიდო, ასევე გაუქმდა ფრენები ტოკიოს რეგიონში.

მთავრობის წარმომადგენლების განცხადებით, არის საშიშროება გახშირდეს მეწყერთა რაოდენობა, რაც მსხვერპლის ალბათობას ზრდის.

მეტეოროლოგიურმა სააგენტომ ქვეყნის 12 პრეფექტურაში, მათ შორის ტოკიოში განგაშის უმაღლესი დონე გამოაცხადა. აშშ-ს გეოლოგიური კვლევის ბიურომ გაავრცელა ინფორმაცია, რომ მიწისძვრა მოხდა ოკეანეში ტოკიოსთან ახლოს.

სტიქიის შედეგად განადგურებულია შენობები და ავტომობილები.