ნარკო კარტელის ჯგუფის მიერ მოწყობილ ჩასაფრებას 13 პოლიციელი ოფიცერის სიცოცხლე შეეწირა. თავდასხმის დროს მექსიკელმა კრიმინალებმა ak-47-ისა და ar-15-ის ტიპის ავტომატური ცეცხლსასროლი იარაღი და აგრეთვე სნაიპერული შაშხანები გამოიყენეს, რომლის დროსაც პოლიციელთა მანქანა დაიწვა,-ინფორმაციას ავრცელებს SKY NEWS-ი

შემთხვევა მოხდა ელ-აგუაჯეში, აგილას პროვინციაში.

გუბერნატორი სილვანო აურელიასის განცხადებით, თავდასხმა დაუსჯელად არ დარჩება. მისი თქმით, ეს იყო ამორალური ქმედება, რომელიც განხორციელდა მხდალი ადამიანების მიერ- მათ ჩასაფრებაში მოკლეს პოლიციელები.

მექსიკის მთელ ტერიტორიაზე მასშტაბური ძებნაა გამოცხადებული- „ცხელ ზონებში“ დადგმულია გზებზე სპეციალური ბარიერები- თითოეული მანქანის მძღოლს ჩრხეკენ სამართალდამცავები.