2019 წლის 17 ოქტომბერს ინგლისური წიგნების მაღაზია “პროსპეროს წიგნები” დაარსებიდან 20 წლისთავს აღნიშნავს.

“პროსპეროს წიგნები” თბილისში, რუსთაველის 34-ში, 1999 წელს გაიხსნა და ის პირველი იყო კავკასიაში, რომელიც მომხმარებელს ერთ სივრცეში სთავაზობდა როგორც ინგლისურენოვან წიგნებს, ასევე სამუშაო გარემოს, ყავასა და შეხვედრების ადგილს.

მაღაზიის სახელი შექსპირის ნაწარმოების “ქარიშხალის” მიხედვით შეირჩა და ის ერთგვარი ხიდია სამშობლოს მონატრებული ვიზიტორებისათვის, ქართველ მოსახლეობასთან კი “პროსპეროს წიგნები” განათლებისა და ცოდნის დანერგვასთან ასოცირდება.

ინგლისური მხატვრული თუ სასწავლო ლიტერატურის გარდა, “პროსპეროს წიგნები” მომხმარებელს საკუთარ, უნიკალურ, ექკლუზიურ ყავას სთავაზობს, რომელიც განსაკუთრებული ტექნოლოგიით იხალება და განსვავებულ არომატს ტოვებს.

ოცი წლის შემდეგ, “პროსპეროს წიგნების” სამ ფილიალს ყოველდღიურად მრავალი ადამიანი სტუმრობს. შემეცნებითი ღონისძიებები, უამრავი წიგნი და პროსპეროს ყავის სახლი ვიზიტორებს მშვიდ, სტაბილურ და განსხვავებულ გარემოს უქმნის.

იუბილესადმი მიძღვნილ საღამოზე სიტყვით გამოვლენ დამფუძნებლები სტივენ ჯონსონი და პიტერ ნაისმიტი, სანდრა ელისაბედ რულოვსი და მოწვეული სტუმრები; სხვადასხვა ნომინაციებში გამარჯვებულებს კი პროსპეროსგან პრიზები გადაეცემათ.