თურქული ავიაცია განაგრძობს ქურთი მშვიდობიანი მოქალაქეებით დასახლებული საცხოვრებელი ზონების დაბომბვას, რასაც უამრავი ადამიანის გარდაცვალება და დაზიანება მოჰყვა. სოციალურ ქსელებში მასშტაბურად ვრცელდება ვიდეოები, სადაც ასახულია დასახიჩრებული, დამწვარი და გარდაცვლილი ადამიანები.

არაერთი ფოტო და ვიდეო-მტკიცებულება გავრცელდა იმის შესახებ, რომ თურქეთის საჰაერო ძალებმა მჭიდრორდ დასახლებულ ქურთულ ნაწილებში ჩამოაგდეს ფოსფორის ბომბები, რამაც ათეულობით ადამიანის დამწვრობა გამოიწვია-უმრავლესი მათგანი მიყენებული დაზიანებების შედეგად ადგილზე გარდაიცვალა.

ერდოღანის განცხადებით, მიუხედავად დასავლეთის მოწოდების და სირიის არმიის მიერ გამოცხადებული მხარდაჭერისა ქურთი „ტერორისტების“ მიმართ, აპირებს ბოლომდე გააფართოვოს „უსაფრთხო ზონა“ 30 კილომეტრის მანძილზე , რათა უზრუნველყოს სირიელი ლტოლვილების სახლში დაბრუნების საკითხი, რითაც შეძლებს სირია-თურქეთის საზღვრის გაკონტროლებას.