პოლონეთში მმართველმა პარტიამ „კანონი და სამართლიანობა“ იზეიმა გამარჯვება. გამოცხადებული შედეგების თანახმად, იაროსლავ კაჩინსკის პარტიას ამომრჩევლის 43,6 %-მა დაუჭირა მხარი, ხოლო მეორე ადგილზე გასულ ოპოზიციურ სამოქალაქო კოალიციას კი 27.4 % -მა.

მესამე ადგილზე კონსერვატიული ,,პოლონეთის კოალიცია“ გავიდა და 11,9 % აიღო, მემარჯვენე კონფედერაციას კი ამომრჩეველთა 6.4 %-მა გამოუცხადა ნდობა.

„ჩვენ გავიმარჯვეთ“ ,- განაცხადა მმართველი პარტიის ხელმძღვანელმა, იაროსლავ კაჩინსკიმ თავის მხარდამჭერებთან შეხვედრისას ვარშავაში. კანონი და სამართლიანობის ხელმძღვანელის თქმით, მას თანამოაზრეებთან ერთად 4 წელი აქვს წინ ნაყოფიერი მუშაობისთვის.

„პოლონეთი უნდა შეიცვალოს მეტად და ის უკეთესი უნდა გახდეს“ ,- განაცხადა კაჩინსკიმ.