REUTERS-ის ინფორმაციით, თურქმა სამხედროებმა სირიაში ქურთი პოლიტიკოსი „სირიის მომავლის პარტიი-ს გენერალური მდივანი მოკლეს. ჰერვინ ხალეფი თავის მძღოლთან ერთად გადმოათრიეს მანქანიდან და ადგილზე დაცხრილეს. მისი პოლიტიკური მოძრაობა დაარსდა გასულ წელს მას შემდეგ, რაც ჩრდილოეთი სირია ISIS-ის ტერორისტებისგან გათავისუფლდა. პარტიის მიზანი იყო არაბი წარმოშობის მოქალაქეებისა და ქურთების გაერთიანება.

სირიის ადამიანის უფლებათა დაცვის სადამკვირვებლო უწყება აცხადებს, რომ პოლიტიკოსის კოლონას ჩაუსაფრდნენ თურქი მებრძოლები , რა დროსაც ტყვიამფრქვევით დაცხრილეს მისი ავტომობილი, მძღოლი ადგილზე მოკლეს, ხოლო 35 წლის ქალი კი გადმოიყვანეს მანქანიდან , აწამეს და შემდეგ მოკლეს.