კალიფორნიაში, საცირკო წარმოდგენებში გარეული ცხოველების გამოყვანა აკრძალეს

მსოფლიო - 13:44, 13 Oct, 2019

685

კალიფორნიაში, გუბერნატორ გევინ ნიუსომის მიერ ხელმოწერილი კანონის თანახმად, ყველა ცირკს ეკრძალება წარმოდგენებში ვეფხვების, ლომების, მაიმუნებისა თუ სხვა გარეული ცხოველების გამოყვანა. კანონი ეხება არა მარტო ადგილობრივ, არამედ შტატში გასტროლებზე ჩამოსულ ცირკებსაც.

"ჩვენ ვეუბნებით მსოფლიოს, რომ ულამაზესი გარეული ცხოველების ადგილი, ფიცარნაგზე და ბოგირზე არ არის და ისინი არ უნდა აიძულონ ცეცხლმოკიდებულ რგოლში გაძვრენ. საბრალო ცხოველებს ადრეული ასაკიდან აშორებენ მშობლებს და ათასგვარ, მათთვის არაბუნებრივ საქციელს ასწავლიან," - აცხადებს გუბერნატორი.

ამგვარი კანონი, ადრე ჰავაისა და ნიუ-ჯერსის შტატებშიც მოქმედებს.

ეს აკრძალვა არ ეხება როდეოს.

აშშ-ს საცირკო ხელოვნების წარმომადგენლებმა ეს კანონი მშვიდად მიიღეს. ისინი აცახდებენ, რომ გასულ წელს კალიფორნიას მხოლოდ სამი ცირკი სტუმრობდა, შესაბამისად ის მათ შემოსავალზე დიდ გავლენას არ იქონიებს.

გუშინვე, 12 სექტემბერს, გუბერნატორმა გევინ ნიუსომმა ხელი მოაწერა კანონს, რომლის თანახმადაც, შტატში იკრძალება ცხოველების ბეწვისგან ტანსაცმლისა და სხვა სახის პროდუქციის დამზადება და რეალიზაცია.