სირიის ჩრდილოეთ ნაწილში თურქული შეიარაღებული ძალების საომარი მოქმედების შედეგად ასობით მშვიდობიანი მოქალაქე გარდაიცვალა და ასიათასზე მეტმა ადამიანმა დატოვა საკუთარი სახლი,- ინფორმაციას ავრცელებს NBC. მიუხედავად დასავლური ქვეყნების მკაცრი რიტორიკისა, თურქულ სპეცოპერაციის თაობაზე, ერდოღანი არ აპირებს საკუთარ სამხედრო-პოლიტიკურ მიზნებზე უარი თქვას და შეწყვიტოს ე.წ „უსაფრთხო ზონის“ შექმნა . თურქული სამხედრო ძალები არტილერიისა და სამხედრო თვითმფრინავების გამოყენებით განუწყვეტლივ აყენებენ სიღრმისეულ დარტყმეს ქურთ სამხედროებს. საცხოვრებელ ზონებში ჭურვების ჩამოგდების ფაქტებიც ძალზე ხშირია, რასაც ათეულობით ბავშვის სიცოცხლე შეეწირა.

დაბომბვეს ფრონტის ხაზიდან რამდენიმე კილომეტრის მოშორებით ქალები და ბავშვები თავს აფარებენ სკოლებში.

ქურთი იძულებით გადაადგილებული პირები აცხადებენ, რომ თურქეთი ამ სპეცოპერაციით ცდილობს მათ დაშინებას და იძულებას, რომ დატოვონ საკუთარი საცხოვრებლები, რათა თურქეთში მცხოვრები სირიელი ლტოლვილები ჩაასახლოს. მოსახლეობა დონალდ ტრამპს ადანაშაულებს მათ გაწირვაში და იმაში, რომ ერდოღანს მისცა უფლება ქურთი ხალხისთვის გენოციდი მოეწყო.