გიორგი ვაშაძე - „როგორ შევქმნათ 80 000 სამუშო ადგილი“?

საზოგადოება - 17:06, 11 Oct, 2019

1206

სტრატეგია „აღმაშენებლის“ ფარგლებში, 8 ოქტომბერს პირველი თემატური პრეზენტაცია გაიმართა. პრეზენტაცია, სამუშაო ადგილების შექმნასა და ქვეყანაში თითოეული ოჯახისთვის შემოსავლის გაზრდას ეხებოდა. იდეის ავტორმა, გიორგი ვაშაძემ იმ ეკონომიკური მოდელის შესახებ ისაუბრა, რომლის მიხედვითაც ქვეყანაში 80 000 სამუშო ადგილი უნდა შეიქმნას. მისივე თქმით, აღნიშნული პრობლემის მოგვარების ფორმულა „ინდუსტრიული პარკების“ შექმნაზე გადის.

„ქვეყანაში ეკონომიკური წინსვლისა და სამუშო ადგილების შესაქმნელად არსებობს ერთადერთი გამოსავალი. ეს გამოსავალი „ინდუსტრიული პარკების“ შექმნაშია. თუკი ქვეყანა შექმნის კონკურენტუნარიან ეკონომიკურ მოდელს, ეს ავტომატურად განაპირობებს ათასობით სამუშო ადგილს ქვეყნის მასშტაბით. საქართველო არის ქვეყანა, რომელსაც აქვს პოტენციალი გახდეს მსოფლიოს ინდუსტიის ერთ-ერთი ძლიერი მაგალითი და ქვეყნის მასშტაბით გააუმჯობესოს ეკონომიკური ველი. ეს ყველაფერი კი მოსახლეობის კეთილდღეობას მეტად გააუმჯობესებს“ - განაცხადა გიორგი ვაშაძემ.

კამპანია სტრატეგია „აღმაშენებელზე“ 50 ქართველი და უცხოელი ექსპერტი რამდენიმე თვის მანძილზე მუშაობდა. ქვეყნის განვითარების მოდელი, რომელიც საქართველოსთვის ინდივიდუალურად შეიქმნა მოსახლეობისთვის ყოველკვირეულად თემატური პრეზენტაციების სახით გახდება ცნობილი.