"ქართული ოცნნების" დეპუტატის ილია ჯიშკარიანის ექიმი პაციენტის დიაგნოზს ასახელებს. ბრალდებულს კორონალური სინდრომის გამწვავება აღენიშნება, რის გამოც ჯიშკარიანი კლინიკაში რჩება. სასამართლო კი "ნიუ ჰოსპიტალში" უნდა გაიმართოს.

“ამ ეტაპზე პაციენტის მდგომარეობა სტაბილურია, თუმცა დაგვჭირდა ახალი მედიკამენტის დამატება, რაც გახანგრძლივებულ ჰოსპიტალიზაციას განაპირობებს. მისი სრული დიაგნოზია კორონალური სინდრომის გამწვავებაა. რაც შეეხება იმას თუ როდის დატოვებს კლინიკას, სავარაუდო თარიღად შემიძლია გითხრათ 2-3 დღე, მაგრამ ახალი გარემოების პირობებში, ჩვენი მიდგომა შეიცვლება. სასამართლოს მიმართ რეკომენდაცია იყო, რომ პაციენტი კლინიკის ტერიტორიაზე უნდა იყოს, რადგან ჰოსპიტალიზაციის პირობებში საავადმყოფოს დატოვების რეკომენდაციას ვერ გავცემდით,”- განაცხადა ექიმმა გიორგი კორძახიამ.

ორგანიზაცია "საფარის" წარმომადგენელი ბაია პატარა კი აცხადებს, რომ სისხლის სამართლის საქმეში დეპუტატის ჯანმრთელობის მდგომარეობის ამსახველი არც ერთი დოკუმენტი არ დევს:

"მისი ჯანმრთელობის შესახებ საქმის მასალებში არც ერთი დოკუმენტი არ მოიპოვება. ამ 6 დღის განმავლობაში მას რაიმე სერიოზული სამედიცინო პროცედურა არ ჩატარებია. ის მართლმსაჯულებას საავადმყოფოში ემალება "- აცხადებს პატარაია.

ილია ჯიშკარიანის სასამართლოს სხდომა, სადაც მისთვის აღკვეთის ღონისძიებაზე უნდა იმსჯელონ, კლინიკაში გაიმართება.

ილია ჯიშკარიანს თანამშრომელი ქალი სექსუალურ და ფიზიკურ ძალადობაში ადანაშაულებს.